التسجيل
ماهي الوحدة
واحد الاستاذ دالفيزيك سول واحد التلميذ مكلخ ماهي الوحدة ؟ قاليه هي الطناش القديمة
يعيش السمك في الماء
لأستاذ: يعيش السمك في الماء.
التلميذ: يعيش يعيش يعيش
هادا سباط
هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟
نكتة الصفر
هادا واحد الأستاد نوض واحد الكسول للسبورة، و كتب ليه صفر و سولو: أشنو هادا؟
جاوبو الكسول: صفر
زاد ليه الأستاد تلاتة ديال الأصفار, و عاود سولو: و دابا؟
جاوبو الكسول: صفرالاف و صفرمية و صفرة و صفرين
نفس الشعور
واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور
نضغ نضغ
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ
نتائج المدرسة
هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة
كسول جاه كلاكاج
هادا واحد لكسول، غير هز صبعو و هو يشدو لكلاكاج
علاش تعطلتوا؟
هادو 2 دراري تعطلوا على المدرسة. سولهم المعلم : علاش تعطلتوا؟
قال ليه واحد: راه طاحت ليا 10 د الدراهم.
و هو يسول المعلم التاني: و نتا مالك؟
قال ليه لاخور: راه كنت داير رجلي عليها.
ضفدععشر
واحد المعلم رسم للتلاميد ضفدعة و حداها 1 ف السبورة و قال ليهم يقراو ليه أشنو داكشي. شي قال (واحد ضفدعة). شي قال (ضفدعة واحدة) .ما خلاو ما قالوا حتى عياو و هو ينوض واحد الكسول و قال ليه: هاديك
ضفدععشر
