التسجيل
جديد النكت
الكتبة ف الحيط
هادا واحد مبوق قال لصاحبو: واش باينة ليك هاديك الكتبة اللي كاينة ف الحيط
قال ليه صاحبو مبوق كتر منه: الكتبة بانت ليا، إما الحيط ما شفتوش
المبوق و الخفاش
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية
مول الطاكسي مبوق
هادا واحد مول الطاكسي مبوق مزيان غادي ف المدينة و هي تشير عليه واحد المرا. وقف و طل عليها من الشرجم و قال ليها: فين غادية أ لالة؟
قالت ليه: السوق أ سيدي
هو يقول ليها: يالله سيري و متعطليش
اللغز ديال واحد مبوق
هادا اللغز ديال واحد مبوق: إيلا كانت الطوموبيل كتمشي ب ستين كيلومتر ف الساعة ، شحال من حمامة طايرة ف السما إيلا كانت بيبسي ب عشرة د الدراهم؟
عين أولا غين
هادا واحد مبوق كيشوف ف صاحبو اللي عندو خالة فوق عينيه, و هي يقول ليه: أربي قول ليا واش هاديك عين عندك أولا غين
هادو جوج مبوقين. ناض واحد سول صاحبه: شفتي هاديك النملة اللي كاينة فوق الجبل؟
جاوبه: إينا وحدة فيهم؟ اللي سادة عينيها أولا اللي حاللهوم؟
المبوقين و المراية
هادو جوج مبوقين جالسين قدام المراية، و هي يقول واحد فيهم لصاحبه: شوف هادوك الجوج اللي جالسين قدامنا ناض صاحبه و قال ليه: بلاتي نشوف أش كيديرو
و هو يقول ليه لاخور: غير جلس. ها واحد فيهم جاي عندنا
حتال غدا و نكملوا
هادا واحد مبوق كيجريو عليه البوليس و كيهرب ليهم ف الدروبة ما قدروش يشدوه. واحد شوية شافوه راجع عندهم قال ليهم: الدراري، عييت اليوم. حتال غدا و نكملوا
مبوقين كافرين
هادا واحد مبوق قال: بسم الله
ناض خوه قال ليه: أهيا! راه حنا كفار، واش نسيتي
قال لي لاخور: أستغفر الله
مش أولا مشة
هادو جوج مبوقين مخاطرين على مش... واش نيت مش أولا مشة
داز واحد مبوق كتر منهم و هوما يسولوه. قال ليهم: ساهلة! نضربو بحجرة. إيلا هرب هي مش، و إيلا هربات هي مشة
