التسجيل
كن فيكون الكـــاف رعشة.. الكـــاف رغبة.. الكــاف فكل عش يلعب لعبة.. الكــاف يخلق الرعشة وسط الرغبة.. الكــاف ضربت كف بكف و قلت يا عيني كفي و لا بغات تكف الكــاف هجرتني.. وخا عيات ما تحلف لو كان الحلف .... ينصف.. كون كاع ما يتحلف كفي مزروع فالأرض.. و الأرض غير نبشها ترعف تسيل بالداء و الدوا ... و الخير من الشر يتروى شكون قـال العين تطيع لعقل.. العين هجرت لعقل و لعقل باع الطرح نهار بالقلب تكتف .. يا شوفتي تعالي نبكيو بالدم ..بالهم ...بالسم.. بالسكات ايلا كـان يتفهم هجرني الكـاف.. الكـاف ظلالي الكـاف فرخ...فكل ارض يلالي يا شوفتي لو شفتي.. راسك يوم كشفتي.. لو شفتي راسك.. يوم تكتفتي.. يوم تكسرتي.. الكاف كسر شوفتي.. و حنتني و حنت حلفتي.. حلفت ما نبيع حلفت حتى نشري و ها انا بايع بلا ما نشري الكاف كرمة.. جذورها ف أرضي وظلها ف أرض البراني الكاف طير ربيتو و رعيتو.. نهار وقفت عليه ..مشى و خلاني الكاف خضخضني .. خلوضني .. و غير حس براسو غلبني .. صفاني من راسي و شربني .. انا فالكاف نقطة و الكاف فالدنيا محطة فيها الغادي .. و فيها الواقف .. و فيها لي على راسو تالف.. ما هنا ما لهيه .. الواد لي جا يديه .. و انا شكون انا حركـة ...انا سـكون انا نغمة فلحن الكـون انا امر الله حيث قال كـن فيـكـون | |
مواضيع مماثلة
دخول
المصحف الإلكتروني
المصحف الإلكتروني
بحـث
ازرار التصفُّح
تسجيل صفحاتك المفضلة في مواقع خارجية
قم بحفض و مشاطرة الرابط chbabcrazy على موقع حفض الصفحات
قم بحفض و مشاطرة الرابط chbabcrazy على موقع حفض الصفحات
أختر لغة المنتدى من هنا
أختر لغة المنتدى من هنا
قصيدة زجلية بعنوان كن فيكون...
Admin- admin نشيط
- عدد المساهمات : 100
السٌّمعَة : 2
تاريخ التسجيل : 01/09/2009
العمر : 36
الموقع : www.aytkhouya.c.la
مواضيع مماثلة
